ໃນຕົ້ນເດືອນກັນຍາປີ 2015 ຜ່ານມານີ້ໄດ້ສຳເລັດກອງປະຊຸມສຳມະນາ ປຶກສາຫາລືກ່ຽວກັບການຄຸ້ມຄອງນຳໃຊ້ ວິທະຍຸຊຸມຊົນ ເພື່ອເປັນເຄື່ອງມືໃນການພັດທະນາ ແລະ  ສ້າງຄວາມຍືນຍົງໃຫ້ແກ່ສະຖານີວິທະຍຸຊຸມຊົນ ຊຶ່ງໄດ້ຈັດຂື້ນຢູ່ທີ່ສະໂມສອນຂອງເມືອງຮຸນ. ພາຍໃຕ້ການເປັນປະທານຂອງທ່ານ ບຸນຄົງ ຫຼ້າຈຽມພອນ ເລຂາພັກເມືອງເຈົ້າເມືອງໆຮຸນ, ໂດຍການເປັນກຽດເຂົ້າຮ່ວມຂອງທ່ານ ພອນສະຫວັນ ພັນທະວິຈິດ ກຳມະການພັກແຂວງ ຫົວໜ້າພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ, ມີທ່ານ ອິນປອນ ນະຄອນສີ ຮອງກົມສື່ມວນຊົນ ກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວ, ມີຄະນະປະຈຳ, ຄະນະພັກ, ຫົວໜ້າຫ້ອງການ, ຕາງໜ້າລັດວິສາຫະກິດ ຕະຫຼອດຮອດນາຍບ້ານໃນເທດສະບານເຂົ້າຮ່ວມເກືອບ 50 ທ່ານ.