WhatsApp_Image_2019-12-20_at_15.40.26.jpeg

ພິທີ ມອບ-ຮັບຫນ້າທີ່ ເລຂາພັກເມືອງ, ເຈົ້າເມືອງໆແບງ ຜູ້ເກົ່າ ແລະ ເລຂາພັກເມືອງ, ເຈົ້າເມືອງໆ ແບງ ຜູ້ໃຫມ່ລະຫວ່າງ ທ່ານ ບຸນເທີມ ເຕີຍມະນີ ກໍາມະການພັກແຂວງ ເລຂາພັກເມືອງເຈົ້າເມືອງໆແບງ ຜູ່ເກົ່າ ແລະ ທ່ານ ສົມຄິດ ກັນສະນິດ ກໍາມະການພັກແຂວງ ເລຂາພັກເມືອງເຈົ້າເມືອງໆແບງຜູ່ໃຫມ່ ໄດ້ຈັດຂື້ນໃນຕອນບ່າຍຂອງວັນທີ 20 ທັນວາ 2019 ນີ້, ທີ່ສະ ໂມສອນເມືອງແບງ, ໂດຍການເຂົ້າຮ່ວມ ເປັນປະທານ ຂອງທ່ານ ນາງ ຈັນສະຫມອນ ທິບພະຫົງ ຄະນະປະຈໍາພັກແຂວງ ຫົວຫນ້າຄະນະໂຄສະນາ ອົບຮົມແຂວງອຸດົມໄຊ ມີຄະນະປະຈໍາພັກເມືອງ, ກໍາມະການພັກເມືອງ, ຫົວຫນ້າ-ຮອງຫົວຫນ້າ ຫ້ອງການ, ສອງກອງບັນຊາການທະຫານ-ຕໍາຫຼວດ, ລັດວິສາຫະກິດ ແຂກເຊີນຈາກພະແນກການອ້ອມ ຂ້າງແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ບຸນເທີມ ເຕີຍມະນີ ກໍາມະການພັກແຂວງເລຂາພັກ ເມືອງເຈົ້າເມືອງໆແບງຜູ່ເກົ່າ ໄດ້ຜ່ານ ບົດມອບວຽກເຊິງມີ ຜົນສໍາເລັດ ແລະ ຂໍ້ຄົງຄ້າງ ຫລາຍດ້ານ ທີ່ຈະມອບຕໍ່ໃຫ້ເລຂາພັກເມືອງເຈົ້າເມືອງໆແບງໃຫມ່ ສືບຕໍ່ ຈັດຕັ້ງປະຕິບັດໃນຕໍ່ຫນ້າ, ຈາກນັ້ນ ໄດ້ມີພິທີ ເຊັນບົດບັນທຶກ ມອບ-ຮັບຫນ້າທີ່ ລະຫວ່າງ ທ່ານ ບຸນ ເທີມ ເຕີຍມະນີ ກໍາມະການພັກແຂວງ ເລຂາພັກເມືອງເຈົ້າເມືອງໆແບງຜູ່ກົ່າ ແລະ ທ່ານ ສົມຄິດ ກັນສະນິດ ກໍາມະການພັກແຂວງ ເລຂາພັກເມືອງເຈົ້າເມືອງໆແບງຜູ່ໃຫມ່ ຢ່າງເປັນທາງການ ໂອກາດ ດັ່ງກ່າວທ່ານ ທ່ານ ນາງ ຈັນສະຫມອນ ທິບພະຫົງ ຄະນະປະຈໍາພັກແຂວງ ຫົວຫນ້າຄະນະໂຄສະນາ ອົບຮົມແຂວງອຸດົມໄຊ ໄດ້ມີຄໍາເຫັນໂອ້ລົມຕໍ່ພິທີ ຊຶ່ງທ່ານໄດ້ສະແດງຄວາມຍ້ອງຍໍ ຊົມເຊີຍ ຕໍ່ທ່ານ ເລຂາພັກເມືອງ ຜູ່ເກົ່າ ທີ່ໄດ້ຜ່ານຜ່າໃນການຈັດຕັ້ງປະຕິບັດຫນ້າທີ່ວຽກງານຂອງຕົນ ດ້ວຍຄວາມ ເອົາໃຈໃສ່ ແລະ ມີຄວາມຮັບຜິດຊອບສູງ ຈົນມີບາດກ້າວພົ້ນເດັ່ນຫລາຍດ້ານ ພ້ອມນີ້ ທ່ານໄດ້ຍົກໃຫ້ ່ ເຫັນເຫດຜົນຂອງການແຕ່ງຕັ້ງ, ຍົກຍ້າຍ, ຊັບຊ້ອນ, ຂອງພະນັກງານ ຂັ້ນນໍາພາຄຸ້ມຄອງຊຶ່ງເປັນວຽກ ປົກກະຕິ ໂດຍອີງໃສ່ຄວາມຮຽກຮ້ອງຕ້ອງການຕົວຈິງ ຂອງຫນ້າທີ່ການເມືອງໃນໄລຍະໃຫມ່ ພາຍໃຕ້ ການຊີ້ນໍາຂອງສູນກາງພັກ ພ້ອມດຽວກັນນັ້ນ ຍັງໄດ້ເນັ້ນຫນັກ ໃຫ້ເລຂາພັກເມືອງເຈົ້າເມືອງໆແບງໆ ຜູ່ໃຫມ່ ຈົ່ງສືບຕໍ່ຈັດຕັ້ງປະຕິບັດຫນ້າທີ່ການເມືອງ ທີ່ຂັ້ນເທິງມອບຫມາຍ ດ້ວຍຄວາມຮັບຜິດຊອບສູງ ໂດຍ ການເພີ່ມທະວີບົດບາດການນໍາພາຂອງຕົນຢ່າງຕັ້ງຫນ້າ ແລະ ແຂງແຮງ ແລະ ສືບຕໍ່ພັດທະນາເມືອງແບງ ໃຫ້ມີຄວາມຈະເລີນກ້າວຫນ້າ ແລະ ຂະຫຍາຍຕົວຂຶ້ນເລື້ອຍໆ.