Untitled-2.jpg

ພິທີປະກາດ ຮັບຮອງເອົາ 7 ບ້ານຄື: ບ້ານ ຍໍ້, ຊຽງແລ, ບ້ານປາງເດືອ, ບ້ານ ນາໄລ, ບ້ານ ຫ້ວຍລໍ, ບ້ານ ປາງທອງ ແລະ ບ້ານ ຫ້ວຍຫົກ ທີ່ຂຶ້ນກັບ ເຂດບ້ານ ຍໍ້ ເມືອງແບງ ເປັນບ້ານສາມັກຄີປອງດອງ ຂອງແນວລາວສ້າງຊາດ ອັນດັບທີ່ 2 ຂອງເມືອງແບງ ແລະ ອັນດັບທີ່ 84 ຂອງແຂວງອຸດົມໄຊ ໄດ້ຈັດຂຶ້ນໃນຕອນເຊົ້າວັນທີ 18 ທັນວານີ້ ຢູ່ທີ່ບ້ານ ຍໍ້ ເປັນ ກຽດເຂົ້າຮ່ວມຂອງທ່ານ ຄໍ

າພອນ ພີມມະລາດ ຮອງເລຂາພັກເມືອງເເບງ ປະທານກວດກາ, ທ່ານ ຄໍາແສງ ຖຳມະລາດ ປະທານແນວລາວສ້າງຊາດເມືອງແບງ ມີແຂກເຊີນຈາກຫ້ອງການອ້ອມຂ້າງເມືອງ, ບ້ານໃກ້ຄຽງ, ນ້ອງນັກຮຽນ, ພ້ອມ ດ້ວຍພໍ່ແມ່ປະ ຊາຊົນພາຍໃນ 7 ບ້ານດັ່ງກ່າວເຂົ້າຮ່ວມຢ່າງພ້ອມພຽງ.ຈາກນັ້ນ ໄດ້ຮັບຟັງບົດ ສະຫຼຸບການສ້າງຄອບຄົວ ແລະ ບ້ານສາມັກຄີປອງດອງເຂດບ້ານຍໍ້ ປະຈໍາປີ 2019 ແລະ ທິດທາງແຜນການປີ 2020 ໂດຍຍົກໃຫ້ເຫັນສະພາບລວມ, ຂັ້ນຕອນການຈັດຕັ້ງປະຕິບັດ, ຜ່ານການປະເມີນແມ່ນໄດ້ຕາມມາດຖານ ແລະ ເງື່ອນໄຂ ເຫັນວ່າທັງ 7 ບ້ານ ແມ່ນບັນລຸ 80% ຈິ່ງຮັບຮອງເອົາເຂດບ້ານດັ່ງກ່າວ ເປັນບ້ານສາມັກຄີປອງດອງ ໃຫ້ ກຽດມອບໃບຢັ້ງຢືນ ໂດຍທ່ານ ຄໍາພອນ ພີມມະລາດ ຮອງເລຂາພັກເມືອງ ປະທານກວດກາ ພ້ອມນີ້ຍັງໄດ້ມອບໃບ ຍ້ອງຍໍ້ໃຫ້ແກ່ຜູ້ທີ່ມີຜົນງານດີເດັ່ນ ໃນການປະກອບສ່ວນເຂົ້າໃນຂະບວນການຄັ້ງນີ້ ຈາກນັ້ນ ຮັບຮອງເອົາ 7 ບ້ານ ກຸ່ມບ້ານ ເປັນບ້ານສາມັກຄີປອງດອງຢ່າງເປັນທາງການທີ່ຂື້ນກັບເມືອງແບງ ຫ່າງຈາກເທດສະບານເມືອງແບງ 7 ກິໂລແມັດ ລວມມີ 765 ຫລັງຄາເຮືອນ, ມີ 916 ຄອບຄົວ, ມີພົນລະເມືອງທັງຫມົດ 3.554 ຄົນ, ຍີງ 1,799 ຄົນ, ປະກອບມີ 2 ເຜົ່າຄື ເຜົ່າລື້ ແລະ ເຜົ່າກຶມມຸ, ປະຊາຊົນມີມູນເຊື້ອດຸຫມັ່ນຂະຫຍັນພຽນໃນການທໍາມາຫາກິນລ້ຽງຊີບ, ມີເອກະລັກທາງດ້ານ ວັດທະນະທໍາ, ຮີດຄອງປະເພນີອັນດີງາມປະຈໍາເຜົ່າຕົນ, ປະຊາຊົນສ່ວນໃຫຍ່ປະກອບອາຊີບດ້ວຍການເຮັດນາ, ປູກພືດ ອຸດສະຫະກໍາ, ລ້ຽງສັດ ແລະ ຄ້າຂາຍ, ພາຍໃຕ້ການຊີ້ນໍາ-ນໍາພາຂອງອົງຄະນະພັກເມືອງ ເຮັດໃຫ້ບ້ານມີຄວາມຫນັກແຫນ້ນ ເຂັ້ມແຂງ, ເສດຖະກິດມີການຂະຫຍາຍຕົວ, ວັດທະນະທໍາສັງຄົມໄດ້ຮັບການເສີມຂະຫຍາຍ ເຊິ່ງມັນສະແດງອອກ ໄດ້ ຮັບຮອງ ແລະ ຮັບນາມມະຍົດເປັນບ້ານພົ້ນທຸກ, ເປັນບ້ານສະຫະພັນແມ່ຍິງ 3 ດີ, ເປັນບ້ານຢຸດຕິການຖາງປ່າເຮັດໄຮ່ ເລື່ອນລອຍ, ບ້ານພັດທະນາ,ພ້ອມນີ້ຍັງຮັບຮອງເອົາເປັນບ້ານສາມັກຄີປອງດອງ ຂອງແນວລາວສ້າງຊາດອັນດັບທີ່ 2 ຂອງເມືອງແບງ ແລະ ໄດ້ຮັບນາມມະຍົດເປັນບ້ານອື່ນໆອີກຈໍານວນຫນຶ່ງ.