ໃນວັນທີ່ 21-22 ພະຈິກ 2019, ທີ່ສະໂມສອນຂອງເມືອງ ແບງ, ແຂວງອຸດົມໄຊ, ໄດ້ເປີດກອງປະຊຸມໃຫຍ່ຜູ້ແທນອົງຄະນະ ພັກເມືອງແບງ ຄັ້ງທີ່ XII ຂຶ້ນຢ່າງເປັນທາງການ, ໂດຍການເປັນປະທານຂອງສະຫາຍ ບຸນເທີມ ເຕີຍມະນີ ເລຂາພັກເມືອງ ເຈົ້າເມືອງໆແບງເປັນກຽດເຂົ້າຮ່ວມຂອງສະຫາຍ ປອ ຄໍາພັນ ເຜີຍຍະວົງ, ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆອຸດົມໄຊ,ສະຫາຍ ນ. ຈັນສະໜອນ ທິບພະຫົງ ຄະນະປະຈຳພັກແຂວງ, ຫົວໜ້າ ໂຄສະນາອົມຮົມແຂວງ ,ມີຄະນະປະຈໍາພັກ ແຂວງ, ກໍາມະການພັກແຂວງ, ຮອງເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ, ພະນັກງານ ອາວຸໂສບໍານານອະດິດການນໍາເມືອງ, ຜູ້ແທນສົມບູນທີ່ ມາຈາກຄະນະພັກຮາກຖານແລະຫນ່ວຍພັກທົ່ວເມືອງ ແບງ, ແຂກຮັບເຊີນທີ່ມາຈາກຂັ້ນແຂວງ ແລະ ບັນດາ ເມືອງຂອງແຂວງ ອຸດົມໄຊ, ໃນພິທີ, ສະຫາຍ ບຸນເທີມເຕີຍມະນີ, ເລຂາຄະນະບໍລິຫານ ງານພັກເມືອງໆແບງ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງ ຜ່ານຮ່າງບົດລາຍງານການເມືອງ ກອງ ປະຊຸມໃຫຍ່ຜູ້ແທນອົງຄະນະພັກເມືອງແບງ ຄັ້ງທີ່ XII ໄດ້ ເປີດຂື້ນ ເພື່ອພ້ອມກັນທົບທວນຕີລາຄາຄືນກ່ຽວກັບການຈັດຕັ້ງປະຕິບັດແນວທາງປ່ຽນແປງໃຫມ່ຮອບດ້ານທີ່ມີ ຫລັກການຂອງພັກ ກໍ່ຄືການຈັດຕັ້ງປະຕິບັດເນື້ອໃນ ຈິດໃຈມະຕິກອງປະຊຸມໃຫຍ່ຂອງອົງຄະນະພັກເມືອງດ້ານ ຕັ້ງຫນ້າ, ຂໍ້ຂາດຕົກບົກຜ່ອງ ແລະ ບົດຮຽນທີ່ຖອດຖອນໄດ້ ຢ່າງພາວະວິໄສ ພ້ອມດຽວກັນນັ້ນຈະໄດ້ພ້ອມກັນກໍານົດ ທິດທາງ ຫນ້າທີ່ໃນ 5 ປີຕໍ່ຫນ້າ. ແຕ່ນີ້ຮອດປີ 2024, ຫຼັງຈາກນັ້ນຜູ້ແທນກອງປະຊຸມໃຫຍ່ ໄດ້ພ້ອມກັນປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃຫມ່ 25 ສະຫາຍ, ເລືອກເອົາເລຂາ,ຮອງເລຂາ, ຄະນະປະຈຳພັກເມືອງ 7 ສະຫາຍ ກອງປະຊຸ່ມໄດ້ຄັດເລືອກເປັນເອກະສັນກັນຢ່າງສົມບູນແລ້ວເລືອກເອົາສະຫາຍ ສົມຄິດ ກັນສະນິດ ເປັນ ເລຂາພັກເມືອງ, ເລືອກເອົາສະຫາຍ ຄຳພອນ ພີມມະລາດ ແລະ ສະຫາຍ ຄຳຈັນ ວ່າບົວແສງ ເປັນຮອງເລຂາພັກເມືອງໆແບງ

ກອງປະຊຸມໃຫຍ່ຜູ້ແທນອົງຄະນະພັກເມືອງແບງຄັ້ງທີ12 ມີຜູ້ແທນສົມບູນເຂົ້າຮ່ວມ 128 ສະຫາຍ ຍິງ 5 ສະຫາຍທີ່ ເປັນຕົວແທນໃຫ້ແກ່ສະມາຊິກພັກ ທີ່ມາຈາກຄະນະພັກ ຮາກຖານ, ຫນ່ວຍພັກທົ່ວອົງຄະນະພັກເມືອງແບງ ທັງຫມົດ 2,016 ສະຫາຍ, ຍິງ 359 ສະຫາຍ ກອງປະຊຸມໃຫຍ່ໄດ້ ດໍາເນີນເປັນເວລາ 2 ວັນ ຮອດວັນທີ 22 ພະຈິກ 2019 ຈິ່ງສໍາເລັດ.