gregkerog.jpg

ກອງປະຊຸມຜ່ານຮ່າງບົດລາຍງານການເມືອງ ແລະ ແຜນພັດທະນາເສດຖະກິດສັງຄົມຕິດພັນກັບການ ທາບທາມບຸກຄະລາກອນຮອບ 2 ຂອງກອງປະຊຸມໃຫ່ຍອົງຄະນະ ພັກເມືອງແບງຄັ້ງທີ 12 ໄດ້ໄຂຂຶ້ນໃນ ວັນທີ່ 2-3 ຕຸລາ 2019 ທີ່ສະໂມສອນເມືອງແບງ ແຂວງ ອຸດົມໄຊ ພາຍໃຕ້ການເປັນປະທານ ຂອງ ສະຫາຍ ບຸນເທີມ ເຕີມມະນີ ກໍາມະການພັກແຂວງ ເລຂາພັກເມືອງ ເຈົ້າເມືອງໆແບງ, ເປັນກຽດເຂົ້າ ຮ່ວມໂດຍແມ່ນສະຫາຍ ບຸນລອດ ອ່ອນພະຈັນ ຮອງເລຂາພັກແຂວງ ປະທານສະພາປະຊາຊົນ ແຂວງອຸດົມໄຊ, ທ່ານ ສົມຄິດ ກັນສະນິດ ກໍາມະການພັກແຂວງ ຫົວຫນ້າຄະນະຊີ້ນໍາກະກຽມກອງປະຊຸມໃຫ່ຍອົງຄະນະພັກເມືອງແບງ ມີບັນດາຄະນະກໍາມະການແຂວງ, ຄະນະປະຈໍາພັກເມືອງ, ກໍາມະການພັກເມືອງ,ຫົວຫນ້າ-ຮອງຫົວຫນ້າຫ້ອງການ, ຄະນະພັກຮາກຖານ ແລະ ເລຂາພັກບ້ານທົ່ວເມືອງເຂົ້າຮ່ວມທັງໝົດ188 ສະຫາຍ, ຍິງ 13 ສະຫາຍ, ເຊິງເປັນຕົວແທນໃຫ້ແກ່ສະມາຊິກພັກ, ອົງຄະນະພັກທົ່ວເມືອງ, ໃນກອງປະຊຸມປະທານໄດ້ມີຄໍາຄິດຄໍາເຫັນພ້ອມທັງກ່າວເປີດກ້ອງປະຊຸມຜ່ານຮ່າງບົດລາຍງານການເມືອງ, ແຜນພັດທະນາເສດຖະກິດ-ສັງຄົມຂອງເມືອງ ແລະ ຮ່າງບົດສໍາຫຼວດການນໍາພາລວມຂອງອົງຄະນະພັກເມືອງ ສະໄຫມທີ່ 11 ເຊິ່ງຍົກໃຫ້ເຫັນຜົນງານການເຄື່ອນໄຫວວຽກງານຮອບດ້ານໃນໄລຍະ ປີ 2015-2019 ແລະ ທິດທາງແຜນການສູ້ຊົນໃນໄລຍະ 5 ປີຕໍ່ຫນ້າ ແຕ່ ປີ2020-2024, ກອງປະຊຸມໄດ້ພ້ອມກັນປະກອບຄໍາຄິດຄໍາເຫັນໃສ່ເນື້ອໃນເອກະສານສາມບົດ ດັ່ງກ່າວ: ສ່ວນມື້ທີ່ສອງຈະໄດ້ລົງຄະແນນສຽງທາບທາມບຸກຄະລາກອນຮອບ 2, ກອງປະຊຸມໄດ້ຮັບຟັງການຜ່ານມາດຖານເງື່ນໄຂ ຂອງຜູສະຫມັກເຂົ້າເປັນເລຂາຄະນະບໍລິຫານງານພັກເມືອງ, ຄະນະປະຈໍາພັກເມືອງ, ປະທານ ແລະ ຮອງ ປະທານກວດກາ ໃນຕອນທ້າຍກອງປະຊຸມໄດ້ຮັບຟັງການໂອ້ລົມຂອງສະຫາຍ ບຸນລອດ ອ່ອນພະຈັນປະທານເພື່ອເປັນບ່ອນອີ່ງໃຫ້ແກ່ການກະກຽມກອງປະຊຸມໃຫ່ຍຄັ້ງທີ່ 12 ຂອງອົງຄະນະພັກເມືອງ ແບງ ທີ່ຈະເປີດຂື້ນໃນເດືອນ ພະຈິກ 2019 ນີ້.