ໃນຕອນເຊົ້າເວລາ 8:00ໂມງຂອງວັນທີ 27 ກັນຍາ 2019  ,ໜ່ວຍພັກຫ້ອງວ່າການເມືອງແບງໄດ້ເປີດກອງປະຊຸມໃຫຍ່ຄັ້ງທີ່ III ຂື້ນທີ່ສະໂມສອນເມືອງແບງ ແຂວງອຸດົມໄຊ ໂດຍເປັນກຽດເຂົ້າຮ່ວມ ສະຫາຍ ບຸນເທີມ ເຕີຍມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆແບງ, ມີຄະນະໜ່ວຍພັກອ້ອມຂ້າງເມືອງ ແລະ ສະມາຊິກພັກໜ່ວຍຫ້ອງວ່າການເຂົ້າຮ່ວມທັງໜົດ 32 ສະຫາຍ, ຍິງ 09 ສະຫາຍ, ໃນກອງປະຊຸມ ສະຫາຍ ຄຳພອນ ມະນີວົງ ກຳມະການພັກເມືອງ, ເລຂາໜ່ວຍພັກ, ຫ້ອງໜ້າຫ້ອງວ່າການເມືອງແບງ ໄດ້ຜ່ານບົດລາຍງານການເມືອງໃນໄລຍະທີ່ຜ່ານມາ 2014-2019 ແລະ ວາງແຜນຄາດໝາຍສູ້ຊົນ 2020-2024 ຫຼັງຈາກນັ້ນຄະນະຈັດຕັ້ງເມືອງໄດ້ຜ່ານເງື່ອນໄຂຜູ້ສະໝັກໃໝ່ ໂດຍ ປ່ອນບັດຄັດເລືອກຕາມລະບຽບການຂອງພັກປະຊາຊົນປະຕິວັດລາວ ແລະ ຜົນຄັດເລືອກເປັນເອກະສັນແລ້ວໂດຍເລືອກເອົາ ສະຫາຍ ຄຳພອນ ມະນີວົງ ກຳມະການພັກເມືອງ ຫົວໜ້າຫ້ອງວ່າການເມືອງເປັນເລຂາໜ່ວຍ, ສະຫາຍ ສົມຈິດກັນສະນິດ ຮອງຫົວໜ້າຫ້ອງວ່າການເປັນຮອງເລຂາ, ສະຫາຍ ທອງໄຊ ອິນດາລາ ເປັນຄະນະ, ດັງນັ້ນທ່ານ ບຸນເທີມ ເຕີຍມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆແບງ ໄດ້ມີຄຳເຫັນຕໍ່ກອງປະຊຸມເຊິງສະຫາຍໄດ້ເນັ່ນໜັກກັບສະມາຊິກພັກໜ່ວຍຫ້ອງວ່າການ ໃນການຈັດຕັ້ງປະຕິບັດວຽກງານໃນໄລຍະທີ່ຜ່ານມາ ແລະ ທິດທາງແຜນການ 5 ປີໃນຕໍ່ໜ້າ ເຊີ່ງໄດ້ຍົກໃຫ້ເຫັນດ້ານດີ ,ຜົນງານ,ດ້ານອ່ອນ ,ຂໍ້ຄົງຄ້າງ ແລະ ວິທີແກ້ໄຂໃນຕໍ່ໜ້າ.ເພື່ອຮັບປະກັນເຮັດໃຫ້ການຊີ້ນຳນຳພາຂອງເລຂາຄະນະໜ່ວຍພັກໃຫ້ ບັນລຸຕາມລະດັບຄາດໝາຍ.