IMG-20190625-WA0000.jpg

ກອງປະຊຸມໃຫ່ຍຜູ້ແທນສະຫະພັນນັກຮົບເກົ່າເມືອງແບງຄັ້ງທີ IV ໄດ້ໄຂຂື້ນເວລາ 7:45 ນາທີຂອງວັນທີ 25 ມິຖຸນາ 2019 ທີ່ສະໂມສອນເມືອງແບງ ແຂວງອຸດົມໄຊ  ເປັນກຽດເຂົ້າຮ່ວມໂດຍທ່ານ ບຸນເທີມ ເຕີຍມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆແບງ ແລະ ທ່ານ ພັທ ສົມພັນ ມະນີພັນ ຄະນະບໍລິຫານງານສະຫະພັນນັກຮົບເກົ່າລາວ, ປະທານສະຫະພັນນັກຮົບເກົ່າ ແຂວງ ອຸດົມໄຊ ມີພະນັກງານບຳນານ, ພະນັກງານເສຍອົງຄະ, ແລະ ຫົວໜ້າຄະນະບໍລິຫານງານນັກຮົບເກົ່າອ້ອມຂ້າງເມືອງເຂົ້າຮ່ວມ  ພາຍຫຼັງໄດ້ເປີດກອງປະຊຸມ ທ່ານ ຮອ ບຸນຮອງ ພອນທະລາ ຄະນະບໍລິຫານງານສະຫະພັນນັກຮົບເກົ່າ ແຂວງ ປະທານສະຫະພັນນັກຮົບເກົ່າ ເມືອງແບງ ໄດ້ສະຫຼຸບຕິລາຄາການຊີ້ນຳໆພາໃນໄລຍະທີ່ຜ່ານມາ ສະໄໝທີ່ III  ແລະ ວ່າງທີດທາງແຜນການ 5 ປີໃນຕໍ່ໜ້າ ເຊີງໄດ້ຍົກໃຫ້ເຫັນດ້ານດີ ແລະ ຜົນງານຫຼາຍດ້ານໂດຍສະເພາະແມ່ນການເຄື່ອນໄຫວຈັດຕັ້ງປະຕິບັດສິດ, ໜ້າທີ, ພະລະບົດບາດຮັກຊາດ ແລະ ວັດທະນາທຳ, ດັ່ງຄຳຂວັນທີ່ວ່າ  3 ດີ, 6 ຮັກສາ ແລະ ອື່ນໆ , ຫຼັງຈາກນັ້ນກອງປະຊຸມໄດ້ຜ່ານມາດຖານເງື່ອນໄຂຜູ້ສະໝັກເລືອກຕັ້ງປະທານສະຫະພັນນັກຮົບຊຸດໃໝ່, ສະນັ້ນໄດ້ປອນບັດຄັດເລືອກໃນຄັ້ງນີ້ໄດ້ເປັນເອກະສັນເຫັນດີເລືອກເອົາທ່ານ ຮອ ບຸນຮອງ ພອນທະລາ ເປັນປະທານສະຫະພັນນັກຮົບເກົ່າເມືອງແບງ, ເລືອກເອົາທ່ານ ພັທ ກັນຕີ ສຸດທິວົງ ເປັນຮອງຜູ່ທີ່ໜື່ງ ແລະ ທ່ານ ພັຕ ບຸນຈັນ ສຸລິວົງ ເປັນຮອງປະທານຜູ້ທີສອງ ຂອງສະຫະພັນນັກຮົບເກົ່າ ຊຸດໃໝສະໄໝທີ IV ເພື່ອສືບຕໍ່ຊີ້ນຳໆພາສະຫະພັນນັກຮົບເກົ່າ ເມືອງແບງໃຫ້ມີຄວາມເຂັ້ງແຂງ ເຄື່ອນໄຫວຈັດຕັ້ງປະຕິບັດໜ້າທີ່ວຽກງານໃຫ້ບັນລຸຕາມແຜນທີ່ວາງໄວ.