IMG-20190618-WA0001.jpg

ກອງປະຊຸມໃຫ່ຍຜູ້ແທນສະຫະພັນກຳມະບານເມືອງແບງຄັ້ງທີ  VII ໄດ້ໄຂຂື້ນເວລາ 8:00 ນາທີໃນວັນທີ 12 ມິຖຸນາ 2019 ທີ່ສະໂມສອນເມືອງແບງ ແຂວງອຸດົມໄຊ  ເປັນກຽດເຂົ້າຮ່ວມໂດຍທ່ານ ບຸນເທີມ ເຕີຍມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆແບງ ແລະ ທ່ານ ໄຊພອນ ຖົມປະດິດ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານ ແຂວງ ອຸດົມໄຊ ເຊິງມີແຂກເຊີນເມືອງອ້ອມຂ້າງ, ອະດີດການນຳສະຫະພັນກຳມະບານ ແລະ ຜູ້ແທນກອງປະຊຸມເຂົ້າຮ່ວມຢ່າງພ້ອມພຽງ ທ່ານ ບຸນຍາຍ ສຸດທິສັກ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງແບງ ໄດ້ຜ່ານບົດລາຍງານການເມືອງຂອງຄະນະບໍລິຫານງານສະຫະພັນກຳມະບານແຕ່ປີ 2014-2018 ແລະ ທິດທາງແຜນການໃນຕໍ່ໜ້າ  ເຊິ່ງຍົກໃຫ້ເຫັນຜົນງານການຊີ້ນຳ-ນຳພາວຽກງານກຳມະບານໃນໄລຍະຜ່ານມາ ໂດຍສະເພາະແມ່ນວຽກງານປົກປ້ອງສິດ ແລະ ຜົນປະໂຫຍດຂອງຊາວຜູ້ອອກແຮງງານ, ວຽກງານກອງທຶນສາມັກຄີ, ວຽກງານພົວພັນພາຍໃນ ແລະ ຮ່ວມມືກັບຕ່າງປະເທດ ແລະ ອື່ນໆ.ນອກນີ້ໄດ້ຍົກໃຫ້ເຫັນດ້ານອ່ອນ,ຂໍ້ຄົງຄ້າງ ແລະ ວິທີແກ້ໄຂໃນຕໍ່ໜ້າ.ກອງປະຊຸມໄດ້ຜ່ານຂໍ້ຕົກລົງ ແລະ ມອບໃບຢັ້ງຢືນ 5 ເປັນເຈົ້າ,ໃບຍ້ອງຍໍຕ່າງໆ ພ້ອມທັງຜ່ານມາດຖານເງື່ອນໄຂຂອງຜູ້ສະໝັກເປັນຄະນະຊຸດໃໝ່ ແລະ ດຳເນີນການປ່ອນບັດ ຜົນການປ່ອນບັດ ແລະ ເຫັນດີຈາກກອງປະຊຸມໄດ້ເປັນເອກະສັນເລືອກເອົາທ່ານ ບຸນເພັງ ແກ້ວບົວພາ ເປັນປະທານສະຫະພັນກຳມະບານເມືອງແບງ, ເພື່ອເຮັດໃຫ້ກອງປະຊຸມມີຄວາມໝາຍສຳຄັນ, ຕອນທ້າຍທ່ານ ໄຊພອນ ຖົມປະດິດ ປະທານສະຫະພັນກຳມະບານແຂວງອຸດົມໄຊ ໄດ້ມີຄຳເຫັນ ເຊິ່ງໄດ້ສະແດງຄວາມຊົມເຊີຍຕໍ່ກັບຜົນງານການຊີ້ນຳ - ນຳພາວຽກງານກຳມະບານໃນໄລຍະຜ່ານມາ ພ້ອມທັງຮຽກຮ້ອງໃຫ້ຄະນະຊຸດໃໝ່ຖືສຳຄັນໃນການເພີ່ມທະວີ, ສຶກສາອົບຮົມທາງດ້ານການເມືອງແນວຄິດໃນຖັນແຖວສະມາຊິກກຳມະບານ, ນຳເອົາແນວທາງນະໂຍບາຍຂອງພັກ-ລັດ,ຂະຫຍາຍສະມາຊິກກຳມະບານໃຫ້ກ້ວາງຂວາງ ເພື່ອໃຫ້ທຸກພາກສ່ວນໄດ້ຮັບການປົກປ້ອງທາງດ້ານສິດ ແລະ ຜົນປະໂຫຍດອັນຊອບທຳຂອງຊາວຜູ້ອອກແຮງງານຢ່າງແທ້ຈິງ.